Akhlaaq-Tasawwuf

Si ou liziyé pé encore batté, ça veut dire ki ou encore ena le temps pou reconnaite ou erreur et faire le nécessaire. Ça chance ki ou encore ena là, banne ki fine quitte ça le monde-là zotte fine perdi li. Astere si zotte reconnaite zotte erreur aussi, ça pas pou ranne zotte service.

Donc reconnaite ou erreur et faire le nécessaire parceki si ici, astere-là, ou pas reconnaite ou erreur, plutard quand ou liziyé pou fermé, ou pou bizin reconnaite li mais ou pou reconnaite li dans ene moment ki li pou trop tard.

Chaque dimoune li ene l’état, li ene gouvernement en li même. Et chaque dimoune li supposé occupe so gouvernement au minimum. Ça gouvernement de quelques pieds par quelques pouces ki chaque dimoune ena, li comprend so le cœur, so lizié, so zoreille, so la bouche, so li pied, so la main etc. Pou l’harmonie et stabilité so gouvernement, chaque dimoune bizin ena ene contrôle lors ça banne l’organes-là. Sinon li pou vine couma ene chef d’état ki fine perdi contrôle lors so peuple.

Quand ene z’enfant rempli so l’estomac avec tout qualités gonnage, li pas capave mange ceki li bizin. Quand mette bon mangé aussi divant li, li perna aukene désir pou ça mangé-là. Et si force li faire li mangé, li ena chance vomi li.

Coumsa même quand ene dimoune li rempli so le cœur et so l’esprit avec banne gonnage couma l’orgueil, la jalousie etc. li gagne ene dégoût pou banne bon kitchose. Allah Ta’ala dire :

La victoire ou la défaite li trouve uniquement dans la main Allah Ta’ala. Tout les temps Allah Ta’ala accorde la victoire à banne ki reste dans so l’obéissance. Nou victoire jamais ti dépanne lors la force physique ou matérielle. Nou fine gagne la victoire tout les temps par l’aide Allah Ta’ala. Jordi aussi ça la porte-là li encore ouvert. Ena necque pou servi so vrai la clé pou ouvert li. La clé de la victoire c’est reste dans l’obéissance Allah Ta’ala.

[Extrait de Al Jamiat Vol.2 No.4]