Ihsaan

Ihsaan c’est ene stage cote ene serviteur li faire ibaadat avec ene l’état d’esprit ki absolument li pé trouve Allah Ta’ala.

Ene travailleur ki conscient ki so patron so regard lors li, li pou faire so mieux possible pou perfectionne so travail. A tout prix li pou oulé donne so patron ene très bonne impression. Li pou ena ene volonté extraordinaire ki pou faire li faire ene travail difficile aussi avec la joie et avec facilité. A ce stade narien na pas pou difficile pou li. Coumsa même quand ene serviteur arrive ça stage de Ihsaan-là, li ena ene volonté extraordinaire pou pratique Deen. Kitchose ki lezot trouve li difficile, li faire li avec ene grand la joie sans senti kit difficulté.

Li passe entier la nuit dans ibaadat mais là-aussi li senti ki li pas fine faire narien. Quand li pose so la tête dans sajdah, li senti li tellement près avec Allah Ta’ala ki li gagne ene goût pas assez. Li oulé continué reste dans sajdah même. Li pas oulé lève so la tête depi dans sajdah.

“O Allah! Mo dimane toi par to banne joli noms ki to accorde moi ça stage-là. (Ameen)”

Si ça stage-là li paraite difficile, au moins ene dimoune li bizin pensé ki de toute façon Allah Ta’ala pé guette li cote li été. Ça aussi li suffit pou ene dimoune reste dans cadre.

[Extrait de Al Jamiat Vol.2 No.6]