Content Allah Ta’ala plis ki tout kitchose

Nou bizin content Allah Ta’ala plis ki tout kitchose. Quand nou dire plis ki tout kitchose, ça veut dire plis ki nou mama papa, plis ki nou madame z’enfant, plis ki nou richesse, plis ki nou travail et nou commerce et plis ki nou même.

Content Allah Ta’ala plis ki tout kitchose veut dire faudré pas l’amour et l’attachement avec ça banne kitchose-là faire nou casse l’ordre Allah Ta’ala. Tout banne bienfaits ki nou ena lors nou, c’est banne bienfaits Allah Ta’ala. Si nou pou essaye remercié Allah Ta’ala pou so banne faveurs, nou pas pou fini remercié li parceki ça li tellement boucou ki pas capave compté. Si gramatin tantôt nou reste dans ibaadat et tous les jours nou garde roza, là aussi nou pou encore doit Allah Ta’ala. Allah Ta’ala li pas doit nanrien à personne. Tout ceki li faire, c’est so faveur et so bonté.

Allah Ta’ala pas obligé donne jannat à ene kikene ki reste dans ibaadat tout le temps. Li pou gagne jannat uniquement par la grace Allah Ta’ala. Si Allah Ta’ala pas donne li jannat, ça pas conte l’injustice. Mais normalement Allah Ta’ala fine engage li même pou donne jannat à celui ki reste dans so l’ordre.

Donc nou tous nou doit Allah Ta’ala ! Allah Ta’ala pas doit personne !  

[Extrait de Al Jamiat Vol.2 No.6]