Akhlaaq-Tasawwuf

La richesse réelle

"La richesse li pas vine apartir boucou fortune mais la (vrai) richesse c'est la richesse (ki trouve) dans le cœur." (Saheeh Boukhari)

Zaahir et Baatin

Zaahir veut dire ene forme l’extérieur ki paraite en dehors et ki dimoune capave trouve li avec so lizié. Baatin veut dire ene forme l’intérieur ki reste cachiette et ki lizié pas trouvé.

Par rapport à Zaahir et Baatin, nou ena quatre catégories dimoune :

Insaan et Insaaniyyat

Allah Ta'ala fine crée insaan (être humain) comme "Ashraful-Makhlouqaat". C'est-à-dire insaan même li la création la plus noble. So noblesse li trouve dans capacité ki li ena pou distingue entre ceki bon et ceki mauvais et la volonté ki li ena pou attrape ceki bon par servi so l'intelligence.

La reconnaissance

Si kikene fine faire ou kit faveur, eski ou pou osé faire quelque chose ou agir avec li dans certaine manière ki pou déplaire li ? Li tout à fait normal et naturel ki ene dimoune bizin ena reconnaissance pou ene kikene ki fine traite li bien. De par so nature même ene dimoune li éprouve l’amitié pou kikene ki fine soulage li dans so banne moments difficile et fine faire li du bien. Donc ene dimoune ki encore pé raisonné, jamais capave perna reconnaissance pou ene ki fine ranne li service. Agir autrement li anormal, inhumain et pas naturel.

L’indépendance

Depi plis ki ene quart siècle chaque l’année nou pays pé fête l’indépendance. Mais ki ça l’indépendance ki nou pays pé fêté depi tout banané ? Nou pays ti dans la main ene l’autre. Lezot ti pé décide pou nou. Nou fine réussi tire nou pays depi dans ça la main-là et nou fine ena l’honneur prend nou propre décision pou nou propre l’avenir. Ça nou fine appelle li l’indépendance nou pays ki nou fêté chaque l’année.

Vrai misérable et dernier misérable

Ene vrai misérable li pas ene dimoune ki perna le moyen. Li possible ki ene dimoune li misérable malgré ki li entouré de toute sorte de confort. Ene le roi ki pé assize lors trône, pas nécessairement li pli dans bien ki ene ki lors so natte casse-cassé.

Ene vrai misérable c’est ene kikene ki désobéir so Créateur. Et ene dimoune ki misère de par moyen et ki pé désobéir so Créateur, c’est ene dernier misérable.

[Extrait de Al Jamiat Vol.2 No.14]

Vrai la joie

Par vive dans l’obéissance Allah Ta’ala, ene personne li gagne ene la joie dans so le cœur. Nou capave appelle li “Sakeenah” ou ene genre de tranquillité morale ou bien ene sensation du bien être total ki Allah Ta’ala li dessane dans le cœur de banne ki sérieux dans Deen. C’est ene la joie inestimable ki ou moyen ou bien ou fortune pas capave acheté. Si banne ki noyé dans cherche le monde matériel ti arrivé conne le vrai goût de ça la joie-là, zotte ti pou oulé envahir banne personnages pieux au détriment de zotte royaume.

Syndicate content