Akhlaaq-Tasawwuf

Choisir ou camp!

Allah content humilité!

Allah pas content l'orgueil!

Istiqaamat ou stabilité dans deen

Nou bizin faire bon travail et pou ki ça bon travail-là ena so l'effet ki bizin, bizin faire li régulièrement. Disons si ene jour nou fine prend ene livre et nou fine lire ene kitchose, ça lecture-là li ene kitchose très bénéfique. Mais li pou vraiment bénéfique quand nou faire li tout le jour. Faire ene bon travail tout le jour et régulièrement sans ratte li, appelle li Istiqaamat. Banne 'Oulama dire ki Istiqaamat ou stabilité ou ponctualité lors ene certaine bon travail, li vaut plis ki 1000 karaamat (miracle).

Allah, le véritable bien-aimé

Quand ene dimoune li bien avec nou, nou ena tendance pas faire narien ki capave déplaire li. Ena des fois nou gagne invitation acote kikene. Nou conne très bien ki ça invitation-là li pas encadré avec principe islamique. Mais nou trouve nou dans ene grand l'embarras pou refuse so l'invitation zisse acoze ki li ene très bon dimoune ki ena très bonne relation avec nou.

Aukene parole pas acceptable…

Qazi Sana'oullah (r):

"Aukene parole pas acceptable tanque na pas mette li en pratique. Aukene pratique et aukene parole pas acceptable tanque perna bon l'intention. Aukene l'intention, pratique et parole pas acceptable tanque li pas d'après sounnat".

[Extrait de Al Jamiat Vol.3 No.5]

Zenes conne to valeur!

Zenes! To ena tout dans toi ki permette toi faire grand progrès dans to la vie. Mais to bizin conne investi et gère to courage, to savoir et to le temps. Ki sanla ki fine embête toi ki faudré to cheveu bizin vine blanc pou to commence faire bon? Si to ti conné ki quantité to Rabb li content et apprécié ça Ibaadat ki to faire dans to jeunesse! Laisse mo dire toi mo garçon ki ene Ibaadat pareil pou faire toi gagne to place dans l'ombrage acote Allah Ta'ala quand tous dimoune pou grillé dans ene soleil ki pou dessane nette enbas.

Who am I?

Si ou envi conné exactement ki ou été, ou bizin étudié ou quand ou faire ou besoin. Dans ça l'heure-là ki ou pou conné ki dernier pauvre diable ou été. Si ou garde ça dans ou la tête, ou pou arrêté cause grand-grand causé.

[Extrait de Al Jamiat Vol.3 No.4]

Causé

Allah Ta'ala fine honore insaaan par accorde li la capacité pou causé et pou exprime li. Couma tous banne faveurs Allah Ta'ala, ça faveur-là aussi nou bizin remercié Allah Ta'ala boucou. Comme reconnaissance pou ça faveur-là, nou bizin toujours utilise li dans banne kitchose ki bénéfique pou nou dans Dounia et dans Aakhirat couma Tilaawat-ul-Qour'aan, Zikrullah, Daroud Sharif etc.

Syndicate content