La suprématie

La suprématie de l’homme trouve dans so humilité couma so bassesse trouve dans so vantardise. Ene dimoune ki sage et intelligent pas capave être ene vantard. Normalement c’est banne imbéciles même ki ena la folie grandeur et la vantardise. L’humilité ki donne l’homme so vrai dimension c’est ene humilité ki li montré pou le plaisir de so Créateur.

Rasouloullaah ‎(Sallallaahou A'laihi Wasallam)‎ fine dire:

“ Celui ki humilié li pou le plaisir d’Allah, Allah Ta'ala honore li ...” (Mouslim, Tirmizi et Ahmad)

Donc la suprématie de l’homme li trouve dans l’humilité ki li montré pou le plaisir d’Allah Ta'ala. La meilleur façon pou humilié soi même c’est sajdah cote ene personne pose so la tête, so front, so figure et so néné; banne parti pli supérieur dans so le corps lors la terre pou humilié li divant la grandeur inestimable de so Rabb. C’est là ki l’homme vine pli près avec so Rabb. C’est là ki li trouve so vrai valeur. C’est ça même so Mi’raaj. Peut-être c’est dans ce sens même fine dire ki namaz li Mi’raaj ene musulman.

Donc la grandeur réelle et la suprématie pas trouve dans vine ça ou dans vine l’autre. Li trouve dans vine pou Allah Ta'ala seulement. Et celui ki fine vine pou Allah, Allah Ta'ala vine pou li. Celui ki Allah Ta'ala fine vine dans so faveur, ki sanla capave faire li kikchose?

[Extrait de Al Jamiat Vol.1 No.11]