Preserve la langue

"La langue perna le z'os." Souvent nous tanne dimoune dire ça. Ça signifié ki li batté couma li gagné. Ena fois li cause bon causé et ena fois li cause causé inutile ou bien ene causé ki alle faire so malheur.

Acoze ça Shariah fine mette boucou l'emphase lors préserve la langue.

Rasouloullah ‎(Sallallaahou A'laihi Wasallam)‎ fine dire:

"Celui ki ena Imacnl lors Allah et lors dernier jour, alors li bizin cause bon causé ou bien li reste tranquille."

Acoze ça bizin calcule bien avant cause ene causé. Banne causé couma banne causé menti, banne causé pou trahir kikene ou bien pou mette blâme lors kikene, faire ghibat etc... c'est banne causé ki ena banne conséquence bien grave. Et surtout cause banne causé pou critique banne Oulama et banne personnages pieux, li encore pli grave ki bizin évité à tout prix. Parceki ça dimoune ki fine cause ça banne causé-là li même pou le pli gros perdant. Quand nou préserve nou la langue, ça faire nou avancé boucou avec ti pé bon travail ki nou faire. Par contre quand nou laisse nou la langue batté couma li oulé, alors ene paquet bon travail aussi vine narien ditout. Alors ki profit ena dans cause causé ki pas bizin?

[Extrait de Al Jamiat Vol.1 No.12]