Shoukr –remerciement

Jazaakallah pas merci

Quand kikene rende nou ene service et faire nou ene faveur, nou dire li merci. Dire kikene merci c’est ene facon pou remercier li.

Remercié kikene pou service ki li fine rendé c’est ene kikchose très important ki indique la bonne manière ki ene dimoune ena. Rasouloullah ‎(Sallallaahou A'laihi Wasallam)‎ fine dire : « ene personne ki pas conne remercié ene dimoune (couma li même), alors li pas pou capave remercié Allah Ta'ala. » C’est parceki quand ene dimoune rende nou ene service, nou trouve li avec nou liz’iyé. La dans perna aukene différence entre grand et tipti ou bien entre intellectuel et ene ki pas éduquer. Indistinctement tout dimoune trouve li. Astere si nou perna reconnaissance pou ene faveur ki nou trouvé avec nou liz’iyé, pli nou pas pou ena li cote bizin reflechi, calculé et medité pou trouve li.

Rende ene dimoune ene service li ene très bonne chose. Li tellement louable ki nou pas pou capave rende li ceki li fine faire. Parceki c’est par la sincérité ki ene dimoune ena, ki li aide so prochain. Disons nou capave rende li ceki li fine donné mais eski nou pou capave évalué la dimension de so sincérité et so l’amitié? C’est ene kikchose très très valeureux. Ene kikchose inestimable ki pas capave être évalué. Donc c’est Allah Ta'ala même conne so vrai dimension et c’est li même ki capave récompense li. Donc quand nou dire kikene “merci” pou ene service ki li fine rende nou, ça pas sufi pou satisfaire la quantité reconnaissance ki nou bizin exprimé. Acoze ca, Shariah fine enseigne nous pou laisse ça dans la main Allah Ta'ala en lui disant : Jazaakallah - ki signifié ki Allah récompense toi. Ça c’est la seul façon approprié pou remercier kikene.

Façon pou remercier Allah Ta'ala

Nou bizin remercié Allah Ta'ala pou tout ceki li fine accorde nou. Na perna narien ki nou fine gagne li avec kikene apart Allah Ta'ala. Nou ena tellement Allah Ta'ala so faveur lors nou ki li impossible pou nous compe li. Donc Allah Ta'ala li pli nécessite ki nou faire so shoukr et nou remercié li.

Nou bizin remercié li dans trois facons:-

1. Avec nou la bouche. Par exemple nou reconnaite avec nou la bouche et nou exprime li ki c’est Allah Ta'ala même ki fine accorde nou tout ceki nou ena.
2. Avec nou le cœur. C’est à dire li pas sufi ki nous dire quelque chose ou bien nou lire kit formule ou dou’aa pou remercié Allah Ta'ala. Nou bizin senti ça reconnaissance-là dans nou le cœur aussi.
3. Avec nou entier le corps. C’est à dire nou engage entier nou le corps dans banne activités ki Allah Ta'ala content. Nou pas servi narien là-dans dans ene façon ki pas plaire Allah Ta'ala.

Nou pas guette narien, écoute narien, cause narien ki Allah Ta'ala pas content. Et coumsa même nou garde tous nou membres dans nou le corp loin avec banne kikchose ki Allah Ta'ala fine interdit.

Normalement ceki l’essentiel c’est ki nou bizin ena shoukr pou Allah Ta'ala dans nou le cœur. Quand nou pou ena ça dans nou le cœur, entier nou le corp pou reste dans l’obéissance Allah Ta'ala. Ça veut dire si kikene li reste engagé dans banne kikchose ki Allah Ta'ala pas content, alors li perna shoukr dans so le cœur.

Allah Ta'ala dire:

“ Si ou ena reconnaissance, sans doute mo pou donne ou encore. Et si ou montré l’ingratitude, (alors conné) ki mo punition li bien sévère”. (S14 V7)

Quand nou pou ena  shoukr pou Allah Ta'ala dans nou le cœur, nou pou exprime li avec nou la bouche et automatiquement ça pou manifesté dans tous nou banne comportements, nou façons d’agir et nou banne activités. Et c’est ça même ki pou garanti nou salut dans ça le monde-là et dans Aakhirat.

O Allah aide nou pou faire to zikr, to shoukr et la bonne facon pou faire to ibaadat.

[Extrait de Al Jamiat Vol.1 No.12]