Oujoub ou la vanité

Mo conne sanla et l’autre la. Et mo conne mo même. Quand ena pou cause banne bon coté mo ena tendance necque cause mo banne bon coté et pourtant mo conne très bien mo banne défauts aussi. Et quand ena pou cause mo banne camarades, mo regard li porte lors zotte mauvais coté et pourtant mo conne zotte banne bon coté aussi. Et mo sur ki mo conne mo défaut pli bien ki mo conne défaut mo camarade.

Ki kitchose empêche moi guette mo banne défauts et guette banne bon coté mo camarade? Ki kitchose empêche moi reconnaite mo défaut et permette moi critique mo camarade?

Ki kitchose empêche moi trouve mo défaut ki li couma montagne et permette moi critique mo camarade pou ene simple manquement ki ena dans li? Bizin ena kitchose ki pas pé tourne rond avec moi. Ça manquement ou ça maladie ki faire moi faire ça-là c’est la vanité.

Oujoub ou la vanité c’est ene défaut, ene manquement, ene maladie et ene déséquilibre moral ki bizin traité.

Mo bizin guette mo mauvais coté pou mo capave corrige moi. Mo bizin guette banne bon coté mo camarade pou mo capave inculqué et développe ça banne bon coté-là dans moi.

Dans ça façon-là mo capave débarrassé avec banne vilain manière et mo capave gagne banne bon qualité. Au cas contraire c’est moi même ki pou le pli gros perdant.

[Extrait de Al Jamiat Vol.1 No.11]