Les Mashaaikh et ‘amal-e-swaalih

La source de tous banne péchés c’est la dureté le cœur parce ki la dureté le coeur faire oublié Allah Ta’ala et li developpe banne caractère de la bassesse qui à son tour provoque l’animosité.

Rassouloullaah ‎(Sallallaahou A'laihi Wasallam)‎ fine dire :

“… Certainement ena ene morceau la viande dans le corps humain qui si ça dressé, entier le corps dressé et si ça gatté, entier le corps gatté. Attention ça morceau-là c’est le coeur.” (Boukhari)

Dans Qou’raan-e-Kareem Allah Ta’ala mentionne déclaration qui Shaitaan pou faire jour Qiyaamat:

“Et quand  z’affaire (jugement) pou terminer, Shaitaan pou dire qui certainement Allah Ta’ala fine faire vrai promesse avec zotte et moi oussi mo fine promette zotte mais mo fine embette zotte. Et mo pas ti ena aukene capacité lors zotte apart ki mo fine invite zotte et zotte fine accepté mo l’invitation. Donc na pas blâme moi, blâme zotte meme.” (Sourah 14 Verset 22)

Li pas possible pour reste loin avec banne péchés tanque ene dimoune perna ene présence d’esprit et tanque  li pas nettoye so le cœur. Et ça li realisé par develope contact avec Allah Ta’ala à travers banne guides spirituels. Donc perna simin apart attrape sa banne “Mashaaikh” (guides spirituels) là. Banne personnages ki banne ki reste dans zotte compagnie pas perdi. (Tafseer Mazhari - S4 V31)

[Extrait de Al Jamiat Vol.1 No.11]