L’echec

Ou pé donne ou le temps ou l'énergie ou richesse et ou pleine jeunesse derrière ene cadavre. Oui derrière ene cadavre ki impuissant - ki pas conne so propre sort et ki demain ou bien après demain pou immigré dans la grande famille de la terre en bas la terre.

En retour ki ou fine gagné? - Ene ti pé jouissance! Et après ça ou reste miné par regret, désespoir et bouleversement. Quand faire l'éventaire, ou pas pou gagne narien apart ki ou pou perdi ene bon boute dans ou la vie précieuse. Voila couma la vie la vine ene l'échec.

Le vrai succés

Le vrai succès trouve dans sacrifié tout pou le plaisir Allah Ta'ala. Et ça capave réalisé quand ou dépense ou le temps, ou l'énergie ou la monnaie et la vie en entier d'après contentement ça Rabb ki fine crée ou et capave donne ou tout ceki ou bizin. Ça c'est le vrai succès.

[Extrait de Al Jamiat Vol.1 No.10]