Garde ou dignité

Ene kitchose ki boucou parmi nou na pas conné ou bien na pas oulé comprend ki la vrai dignité c'est la dignité ki Allah Ta'ala donné. Quand Allah Ta'ala dénigré kiken, perna personne ki capave donne li valeur.

Ene l'autre kitchose ki boucou parmi nou capave pas conné ki nou dignité trouve dans garde dignité et l'honneur nou prochain. Si nou pense pou prend l'honneur nou camarade c'est couma dire nou pé coupe sa branche ki nou pé assizé lor la. C'est ene façon pou alle dénigrer nou même plutard.

Rasouloullah ‎(Sallallaahou A'laihi Wasallam)‎ fine dire :-"Celui ki reste dans rode défaut so camarade, Allah Ta'ala aussi reste dans rode so défaut. Celui ki Allah Ta'ala rode so défaut, (perna li sappé) parceki Allah Ta'ala pou dénigrer li - même si li reste fermé dans l'intérieur so la caze." (Tirmizi et Ibn Hibban)

Acoze sa même dire pas avoye roche lor la caze ou camarade quand ou la caze en vitre. Bizin mette dans la tête ki dignité nou camarade c'est nou dignité.

[Extrait de Al Jamiat Vol.1 No.1]