Akhlaaq-Tasawwuf

Li devoir de banne ki fine induire le public en général dans l’erreur ki zotte ena le courage et la volonté corrige zotte erreur. Depi des années zotte fine faire le public croire ki le 15eme nuit de Sha’baan li ene nuit ordinaire et normal couma tout nuit. Zotte fine faire grand-grand causerie, tire pamphlet, écrire livre pou réfute banne ki croire là-dans. Mais zordi, la personne ki zotte ti pé suive aveuglement, li même li fine accepté li. Allamah Bin Taimiyah (R) aussi li accepté la valeur de 15eme nuit de Sha’baan.

Ene croyant ou ene Imaandaar pas capave ena en même temps l'admiration pou Kufr aussi dans so le cœur. Li bizin ena dégoût pou Kufr pou li capave vine ene bon musulman. Et ça dégoût-là li bizin tellement fort ki l'idée retourne dans Kufr ou commette kitchose de Kufr faire li senti ki li pé tombe dans du feu. Normalement ene dimoune li peur du feu. Si du feu fine prend quelque part, li pou faire le maximum zeffort afin ki li et so famille pas tombe là-dans.

Content Allah Ta'ala plis ki tout kitchose veut dire faire le maximum zeffort pou reste totalement dans l'obéissance Allah Ta'ala et sacrifié banne désir et plaisir pou le plaisir Allah Ta'ala. Disons ene dimoune li ena grand l'avantage dans ene certaine l'emploi mais li refuse accepté ça l'emploi-là zisse acoze li pas d'après ceki Allah Ta'ala content. Donc la personne fine sacrifié so l'avantage personnel pou le plaisir Allah Ta'ala.

Ene invité vine cote ou ki ou bien content li. Ou fine donne li l’accueil ki li mérité. Ou fine faire ou maximum zeffort pou pena aukene reproche. Mais quand li commence allé ou pou dire li par estime ki ou ena pou li « fer maaf ki pas fine capave servi ou couma bizin ». C’est coumsa même ki banne personnages pieux zotte ploré et zotte dimane Allah Ta’ala pardon après avoir passe ene nuit blanche dans ibaadat. Pli zotte faire ibaadat pli zotte arrivé conne grandeur Allah Ta’ala et pli zotte sous estime zotte ibaadat.