Vraiment pieux

Ene invité vine cote ou ki ou bien content li. Ou fine donne li l’accueil ki li mérité. Ou fine faire ou maximum zeffort pou pena aukene reproche. Mais quand li commence allé ou pou dire li par estime ki ou ena pou li « fer maaf ki pas fine capave servi ou couma bizin ». C’est coumsa même ki banne personnages pieux zotte ploré et zotte dimane Allah Ta’ala pardon après avoir passe ene nuit blanche dans ibaadat. Pli zotte faire ibaadat pli zotte arrivé conne grandeur Allah Ta’ala et pli zotte sous estime zotte ibaadat. Quand zotte arrive lors ça point-là zotte pas trouve aukene chemin apart dimane pardon pou tous banne manquements ki zotte ressenti dans zotte ibaadat.

Tanque nou croire ki nou fine faire trop boucou ibaadat, ça veut dire ki nou pencore formé parceki nou regard li encore lors nou ibaadat sans pense grandeur Allah Ta’ala. Ça qualité dimoune-là bien souvent zotte attrape ça maladie ki appelle la fierté. Finalement li perdi dans la cour et dans bois. Quant à banne personnages vraiment pieux zotte continué reste effrayé apres avoir faire tout ceki zotte capave couma Allah Ta’ala dire dans sourah Az-Zaariyaat : « …Bien tigite zotte ti pé assoupi pendant la nuit et dans l’heure sehri zotte commence faire istighfaar ». Dans ene l’autre place dans sourah Al-Mouminoune Allah Ta’ala dire : « Et banne ki accomplir ceki zotte capave mais là aussi zotte le cœur tremblé avec la pensée ki zotte ena pou retourne vers zotte Rabb. »

[Extrait de Al Jamiat Vol.7 No.11]