Devoir

Li devoir de banne ki fine induire le public en général dans l’erreur ki zotte ena le courage et la volonté corrige zotte erreur. Depi des années zotte fine faire le public croire ki le 15eme nuit de Sha’baan li ene nuit ordinaire et normal couma tout nuit. Zotte fine faire grand-grand causerie, tire pamphlet, écrire livre pou réfute banne ki croire là-dans. Mais zordi, la personne ki zotte ti pé suive aveuglement, li même li fine accepté li. Allamah Bin Taimiyah (R) aussi li accepté la valeur de 15eme nuit de Sha’baan.

Quand nou pou ena la grandeur d’âme et la noblesse rétracté de l’erreur ki nou fine commette ? Quand nou pou diboute cotte mimbar pou vine dire ki nou fine faire ene grand erreur par prive toute ene génération de bien fait de ça nuit béni-là ? Ene quantité fine quitte ça dounia-là avec ça fausse conception-là même.

Li facile pou remédié le dérapage. Necque ena pou avoué sincèrement ki fine ena erreur par manque de vigilance et l’excès de négligence dans vérifié banne sources de référence et par suive aveuglement ene banne personnes au lieu suive banne ki ti bizin suive. Mais dommage ! Ça li dimane ene caractère noble ki malheureusement bien tigite dans tigite ki ena li.

Ki Allah Ta’ala faire nou vine dans ça bien tigite dans tigite-là. Narien pas impossible pou Li.

[Extrait de Al Jamiat Vol.7 No.13]