Akhlaaq-Tasawwuf

Taqwa

Ça le monde-là li couma dire ene chemin ki rempli avec piquants. Normalement quand ene dimoune ena pou passe dans ene chemin ki rempli avec piquants, alors li pou prend tout précaution et li pou ramasse so linge pou so linge pas tasse dans piquant. Coumsa même ça le monde-là li ene place ki rempli avec banne piquants de péché. Ene dimoune bizin vive so la vie avec boucou de précaution pou ki li pas tasse dans piquants de péché. Ça prise de précaution-là même appelle taqwa.

Vrai izzat

Izzat ki ene dimoune ena dans lizié public li ene izzat ki pena aukene garantie. Public capave content li lors ene certaine critère ou certaine talent ki pas nécessaire continué ena dans li. Et souvent nou trouvé ki public so tendance et so gout changé. Li rode nouveauté et changement. Finalement li trouve ceki li admiré auparavant ene monotone. Li délaisse ceki li ti admiré auparavant pou li content ene l’autre. Voila ça c’est dounia ki content ou acoze so propre l’avantage ki pena sincérité. Souvent arrive ça dans carrière banne célébrités.

Belle-mère/ Belle-fille

Ou bizin agir avec ou belle-fille couma ou ti a content ou zanne agir avec ou tifi. La façon ki ou pas apprécié ki ou zanne ou so belle-mère faire avec ou tifi, li pas ene façon ki ou servi li avec ou belle-fille. Si ou continué avec la manière ki ou pé traite ou belle-fille, alors pas vine dire ki ou tifi pé gagne maltraité parceki si laba-là pas bon, bé ici là aussi li pas correcte. Pena aukene différence apart ki laba-là c’est ou tifi ki enba couteau et ici ou belle-fille ki dans ou griffe.

Vive couma Insaan

Ou ene dimoune. Ou bizin mangé boire pou ou vive. Parfois ou malade aussi. Ou bizin médicament pou traite ou. Ou ena ene salle de bain et ene toilette ki ou servi pou banne raison ki tous dimoune conné. Ou pas parfait. Ou ena ou banne défauts ki ou conné pli bien ki lezot. Ou au courant de ou banne manquements pli bien ki ou conne pou lezot dimoune.

Couma gagne Allah

Chaque kitchose ena ene moyen et ene chemin pou gagne li. Pou gagne Allah Ta’ala aussi ena ene chemin. Li bien facile et simple. Necque ena pou développe la volonté. Avec la volonté, kitchose bien difficile aussi vine facile. Chemin pou gagne Allah Ta’ala c’est suive so banne commandements d’après les principes établi par nou bien aimé Nabi ‎(Sallallahu Alaihi Wassallam)‎. Pena aukene chemin apart ça.

Connection amal avec caractère

Ene dimoune so amal et so comportement dans Deen et so façon d’agir avec dimoune li lié et connecté avec so caractère. Caractère ene dimoune li basé lors 3 potentiel ou 3 facultés :

Qouwwat علمية (Ilmiyyah): ça faculté-là li permette ene dimoune raisonné.

Qouwwat شهوية (Shahwiyyah): ça faculté-là li permette ene dimoune gagne l’envi et désir de banne kitchose ki autour de li.

Couma vine bon

Ene dimoune bizin pas découragé quand même li fine capave faire ene tas gaffe dans so la vie. Apres noireté la nuit, ena l’éclairage soleil. Chaque couché du soleil li ene préparation pou ene levé du soleil. Faudré pas perdi l’espoir. Ene la vie ki fine noirci et brisé par péché capave vine en état neuf et tout capave dressé.

Syndicate content