Taqwa

Ça le monde-là li couma dire ene chemin ki rempli avec piquants. Normalement quand ene dimoune ena pou passe dans ene chemin ki rempli avec piquants, alors li pou prend tout précaution et li pou ramasse so linge pou so linge pas tasse dans piquant. Coumsa même ça le monde-là li ene place ki rempli avec banne piquants de péché. Ene dimoune bizin vive so la vie avec boucou de précaution pou ki li pas tasse dans piquants de péché. Ça prise de précaution-là même appelle taqwa. Li bon à noté ki ça taqwa-là li bizin à la lumière Allah Ta’ala so kitaab et Nabi ‎(Sallalaahou Alaihi Wasallam)‎ so sunnat. Sinon li pou vine dans catégorie de bid’ah ki li ene péché bien grave.

[Extrait de Al Jamiat Vol.8 No.4]