Akhlaaq-Tasawwuf

Longtemps dimoune ti pé trouve ça ene ti bonnet la toile-là lourd lors so la tète pou li metté dans namaz. Tout qualité prétexte li tiré pou pas mette li. Mais tout la mode li suive sans pose question. Banne la mode cote li imite banne fujjaar, fussaaq et banne kuffaar sans ranne compte ki quantité ridicule ça fine ranne li même et so l’apparence. Necque pou suive sounnat même ki li amène tout qualité prétexte. Li invente banne raisons pou pas suive. C’est ene déséquilibre ki faire dimoune trouve banne kitchose enba lahaut.

Tout dimoune ena ene désir. Ena ki envi vine riche. Ena ki content grandeur et popularité. Ena ene quantité domaines dans dounia. Chakene li content ene domaine et li ena le désir ardent pou réussi là-dans. Comme résumé nou capave dire ki ena ene catégorie ki content kitchose de ça dounia-là. Et ene l’autre catégorie ki zotte pli grand désir c’est faire Allah Ta’ala plaisir. En réalité chaque musulman li bizin vine dans ça deuxième catégorie-là même. C'est-à-dire so désir principal li bizin faire plaisir Allah Ta’ala.

Taqwa veut dire l’obéissance Allah Ta’ala. L’obéissance Allah Ta’ala li réalisé par implémente commandements Allah Ta’ala en suivant le tareeqah et principe de nou bien aimé Nabi ‎(Sallallaahou A'laihi Wasallam)‎. Et dans ene langage simple, ça même ki nou appelle suive Deen.

Ti ena l’époque quand li ti non seulement difficile mais impossible pou gagne contacte avec banne dimoune ki ti pé vive dans certaine parti de ça globe-là. Zordi jour nou ena facilité communication. Nou capave contacté dimoune ki nou envi dans n’importe ki l’endroit lors ça dounia-là. Mais si dimoune-là même pas envi cause avec ou, alors là tout moyen communication pou vine inservable.