Désir

Tout dimoune ena ene désir. Ena ki envi vine riche. Ena ki content grandeur et popularité. Ena ene quantité domaines dans dounia. Chakene li content ene domaine et li ena le désir ardent pou réussi là-dans. Comme résumé nou capave dire ki ena ene catégorie ki content kitchose de ça dounia-là. Et ene l’autre catégorie ki zotte pli grand désir c’est faire Allah Ta’ala plaisir. En réalité chaque musulman li bizin vine dans ça deuxième catégorie-là même. C'est-à-dire so désir principal li bizin faire plaisir Allah Ta’ala. Ene la vie pareil li ene la vie valable, profitable et honorable. C’est ene la vie ki rempli de la joie. Par contre ene dimoune ki so visé principal si li dounia, alors li bizin satisfaire ene quantité pou li capave réussi satisfaire ceki pou li. Et ça aussi dans ene façon insuffisante et insatisfaisante et pou ene très courte durée. Ou amène ene la vie esclave pou ene kitchose futile semblable ! Vraiment dire li pas sonne bien et li pas vaut la peine. Quant à ene ki concentré dans faire plaisir Allah Ta’ala, li ene qualité libre ki li pas attaché avec narien. So seul souci c’est comment li pou vine de plus en plus sincère et doué envers so Rabb. En retour Allah Ta’ala accorde li ene sens de satisfaction extra ordinaire ki li senti ça au fond de li même ki ranne li indépendant de tout. C’est ça même ki appelle jouir la royauté dans la misère.

[Extrait de Al Jamiat Vol.7 No.9]