Vraiment mouttaqui

Vrai taqwa li trouve dans pas faire péché quand ene dimoune li tout seul cote personne pas pé guette li. Sinon tout dimoune même ena tendance faire bon, cause bon et déclare bon divant dimoune. Ki tifi pou mal agir divant ene garçon ki fine vine guette li pou marié. Coumsa même ene garçon pou montré tout ceki bon et cachiette tout ceki mauvais quand li pou alle guette kikene pou marié. C’est après mariage ki tout dehors. Ça manière-là li plitot malhonnête. Ça même genre de malhonnêteté ki en vigueur à tout niveau partout. Dimoune déclare bon sans ki li bon. C’est parceki so la vie publique et so la vie privé li différent. Li déclare bon divant dimoune et li vine ene démon quand dimoune pas pé guette li. Vrai mouttaqui c’est ene kikene ki so l’intérieur, so l’extérieur, so la vie en publique et so la vie privé, tout d’après shariat. So l’intérieur pas trahir so l’extérieur ni so la vie privé li contredire so la vie en publique. Sinon li ene hypocrisie.

Allah ki conné ki ou bizin couvert et ki ou capave laisse découvert. Pas ou ki décidé ni laisse kikene décide ça pou ou sinon ou pou marche couma dimoune misère ou couma tarzan lors la plage.

[Extrait de Al Jamiat Vol.8 No.6]