Hubbuddounia

Hubbuddounia veut dire attachement mondain. Quand ene dimoune attache so le cœur avec dounia, alors ça crée banne maladie couma la gourmandise, l'orgueil, la jalousie etc. Et ça banne maladies-là li induire la personne dans banne péché grave couma vol, viol, crime ki ranne la société invivable. Pou remédié tous banne problèmes ki ena dans la société bizin cherche ene moyen pou traite le «Hubbuddounia» ki selon Nabi r li racine de tout péché. Ça capave être remédié par développe l'amour pou aakhirat avec l'aide ene ki ena ça l'amour-là dans li. L'amour pou aakhirat li ena l'effet faire dimoune désintéressé avec dounia sans faire li néglige ou abandonne dounia totalement.

Dimoune vive dans dounia. Li pas capave dire ki li pas bizin dounia. Li bizin cherche dounia aussi mais sans aveuglé par dounia et sans vine esclave pou dounia. Insaan li couma dire ene navire ki pé navigué dans ene l'océan ki bizin de l'eau pou navigué mais sans ki de l'eau pénétré dans navire-là. Sinon pou ena naufrage. Dans la même façon, quand dounia rente le coeur ene dimoune li noye so le coeur et li jette li dans péché et dans vice.

Ene quantité ki ene dimoune bizin pou li vive lors ça la terre là, ça li faraz. Mais ça dounia ki faire ene dimoune blié aakhirat et conséquemment faire li néglige so Deen li haraam. Ena des fois ça démarcation entre faraz et haraam-là li tellement sensible ki li difficile à distingué. Bizin ene sheikh kaamil ou bien ene guide spirituel compétent ki capave faire la personne traverse ça la passe difficile-là sain et sauf.

Acoze ça ene sheikh kamil fine toujours être considéré comme indispensable par banne 'Oulama de tout l'époque pou capave développe l'équilibre ki nécessaire entre dounia et aakhirat.

[Extrait de Al Jamiat – Vol. 6 No. 8]