Lire derrière Imaam

Question:‑

"Tout ceki dire pas bizin lire derrière Imaam, zotte banne Jaahil." C'est ene declaration ki ene orateur fine faire dans ene so causerie. Ou commentaire S.V.P.

Reponse:‑

C'est ene declaration très grave. Li laisse paraite ki l'auteur de sa declaration là li irresponsable et insouciant. Parce ki nou ena ene quantité Sahaaba-e-Kiraam ‎(Radiyallahou anhou‎)‎, banne Tabe'ines et banne grand personnages ki soit zotte empêche lire derrière Imaam ou bien au moins zotte déconseille sa pratique-là. Li paraite ki l'orateur pas conscient de sa fait-là. Sinon jamais li ti pou faire ene déclaration pareil. Hazrat Abou Bakr, Hazrat Oumar, Hazrat Outhmaan, Hazrat Ali, Hazrat, Abdoullah Bin Mas'oud, Hazrat Zaid Bin Thaabit et Hazrat Abdoullah Bin `Oumar ‎(Radiyallahou anhou‎)‎; c'est quelques uns parmi banne Sahaba-e-Kiraam ‎(Radiyallahou anhou‎)‎ ki empêche lire derrière Imaam.

N.B: Lire veut dire lire Qour'aan.

[Extrait de Al Jamiat Vol.1 No.1]