Contact avec 'Oulama

Reste en contact permanent avec banne `Oulama li couma dire ene feuille lors z'arbre. Tanque ene feuille reste lor z'arbre, li reste vert, frais et joli. Et sa li garanti so l'existence. Quand li casse so relation avec sa z'arbre-là, li tombe en bas, li vine jaune ou bien sec ki bizin jeté dans poubelle. Quant à z'arbre-là, li bourgeonné et vine pli joli ki auparavant. Coumsa même quand kikene casse so relation avec ene 'Alim et li tourne le dos avec li, li expose li à toute sorte de nuisance et difficulté spirituelle. Quant à 'Alim en question, malgré ki li affecté temporairement, li réussi faire la surface en fin de compte et vine pli verdoyant ki avant. Eski pas acoze sa même dire ki éprouve l'ennemité avec `Oulama li cancéreux?

[Extrait de Al Jamiat Vol.1 No.2]