Premier lot / deuxième lot

Couma tout kitchose, donne z'enfant ou pas donne z'enfant aussi Allah Ta'ala même ki décidé. Garçon ou ti fille, sa aussi li dans la main Allah Ta'ala. "... Li cré ceki li oulé. Ceki li oulé li donne ti fille et ceki li oulé li donne garçon. Ou bien pou banne ki li oulé li donne zotte garçon ti fille tous les deux..." (S 42 : V 49-50)

Bizin satisfait avec ceki Allah Ta'ala donne nou. Sa causé ki dire 'premier lot' quand gagne garçon et 'deuxième lot' quand gagne ti fille, li pas islamique.

Ena ki manifesté zotte la chagrin. Ena ki montré zotte mécontement. Tout sa la pas bon. Li ene manière ki banne kaafir ti ena à l'époque Rasouloullah ‎(Sallallaahou A'laihi Wasallam)‎.

"Quand ene kikene parmi banne-là gagne nouvelle (ki so madame fine gagne) ti fille, so figure vine noir et li reste mange so coup. Li cachiette avec banne dimoune par mécontement de sa nouvelle ki li fine gagné. Li dans dilemme ki malgré déshonneur li pou garde li (le bébé) ou bien li pou fonce li dans la terre..." (S 16 : V59)

[Extrait de Al Jamiat Vol.1 No.2]