Tarbiyat

La santé

C’est ene faveur immense ki faire ou goute vrai saveur de tout banne faveurs de ou Créateur. Et c'est la santé. Ou capave pé dormi lors diamant, l’or ou l’argent mais ou pas pou capave jouir avec narien si ou pena la santé. Ou capave faire ene très bon sommeil lors la terre ou lors ene roche kan ou ena la santé mais ou pou reste conte zétoile pendant toute la nuit quand même ou pé dormi lors relax master dans ou la chambre bien climatisée. Si pena la santé, eski ena kitchose pli bon ki ça ? Kan ou pena li, narien pas bon!

Valeur et respect descendant de Nabi ‎(Sallalaahou Alaihi Wasallam)‎

Selon ene livre ki appelle Al-Mousaamaraat, ene personne fine décide pou alle faire hajj. Li fine prend 1000 dinar pou li faire préparation. En route ene madame fine zoine avec li et fine déclaré ki li ene descendant de Nabi ‎(Sallalaahou Alaihi Wasallam)‎ et ki li dans ene difficulté. Alors la personne fine dévide tout ceki li ti ena avec li et fine remette ça à ça madame-là. Plitard quand banne haji de so l’endroit fine retourné, chakene fine commence faire li compliment. Lors ça la personne fine bien étonné.

A banne jeunes

Pas capave exige ene jeune vine sage et ena la sagesse dans so jeune âge de 18 ans parceki ça li vine avec le temps. Mais li pas bizin aussi faire ceki vine dans so la tète. Ene jeune bizin bénéficié avec ene ki ena ça sagesse-là. Dans ça façon-là li pou capave servi so courage et so l’énergie dans la bonne direction et li capave arrive vite et sain et sauf lors so destination. Sinon li pou couma ene machine bien rapide et puissant avec ene volant decontrôlé. Pas bizin dire ki dégât ça pou faire lors la route.

… Ou fine déjà calculé …

Ou dire ou garçon faire ene travail et travail-là li bien facile mais li pas faire li. Mais si ene étranger dire li faire ene travail ki assez difficile, li faire li. Comment ou pou senti ou dans ça l’heure-là ? Li tout à fait normal ki ou pou bien affecté. Ou garçon pas fine écoute ou mais li là pou lezot dimoune. Pena personne pou donne li raison. Mais eski ou fine déjà calculé ki ou aussi ou fine commette même bêtise pendant toute longue ou la vie. Ou fine abandonne sounnat de Nabi ‎(Sallallaahou A'laihi Wasallam)‎ pou adopté principe lezot.

Pas touye moi mama !

Mama ! O mama ! Pas touye moi mama ! Mo innocent. Mo pas fine faire toi narien. Mo incapable, mo faible ki mo pas capave defanne mo même. Seul secours mo ena c’est to tendresse, to l’amour et to l’affection. Mais zordi c’est to même to fine décide pou prend mo la vie. Acoze to propre plaisir, to pas lé mo vive. Ki conné mama ki ene jour, capave mo même mo pou secours toi dans to banne moments difficile.

Valeur ibaadat dans jeunesse

La jeunesse c'est le printemps de la vie cote ene dimoune li ena tous so banne désirs, so banne ambitions so banne l'espoirs et so banne rêves. Et li ena aussi le courage et l'énergie ki permette li réalise so banne fantaisies et so banne rêves. C'est ene étape bien critique et cruciale cote ene personne li emporté par so banne désirs ki empêche li raisonné. Acoze ça li vine ene proie facile pou shaitaan.

Khatnah (circoncision)

Khatnah li sounnat pou ene ti zenfant. Coumsa même ça li applique pou ene grand dimoune aussi. Li vrai ki li haraam pou guette ene grand dimoune so partie privé. Et normalement quand pou faire khatnah pou ene grand dimoune, ça pou nécessite guette so parti privé. Mais malgré ça, Shariat fine autorise guette so parti privé et faire so khatnah parceki khatnah li pas necque ene sounnat. Li ene شعار (symbole) de l'Islam ki ena même capacité de ene waajib (obligatoire).

[Extrait de Al Jamiat Vol.3 No.13]

Syndicate content