Tarbiyat

Souci pou Deen

Quand ene dimoune li content ene kitchose, li ena ene grand souci pou ça kitchose-là. Par exemple ene dimoune li content so zenfant, alors li tracassé pou so zenfant. Li prend boucou précaution ki so zenfant pas tombe malade. Li garde li loin de fraîcheur, soleil, la poussière etc.

Allaitement

Ene ti bébé gagne droit boire du lait avec so mama ou bien avec ene l’autre madame juska l’age de 2 ans. Apres 2 ans bizin pas allaite ti bébé. Dans ça période de 2 ans-là, si ene ti bébé li boire ene tigite aussi avec kit madame, alors ça ti bébé-là li vine ça madame-là so z’enfant du lait. Coumsa même ça madame-là vine ça ti bébé-là so mama du lait.

Couma ene madame pas gagne droit marié avec so propre z’enfant, coumsa même li pas gagne droit marié avec so z’enfant du lait.

To mama papa

Perna personne ki capave content toi plis ki to mama papa. Ene kitchose ki peut être to pas encore saisi et realisé. Quand toi to pou ena to propre z’enfant, lerla to pou conné vraiment ki quantité to mama papa content toi. Quand to z’enfant pou faire toi misère, lerla to pou conné ki quantité to fine faire to mama papa souffert.

Devoir ene parent

Ene z’enfant so mentalité, so manière, so comportement, so façon vive et so l’interet pou pratique deen li influencé par la formation et éducation ki parents donné à so z’enfants. La façon ki parents pou enseigné et pou donne formation, sa façon la même ki sa z’enfant là pou  developpé et progressé. Le jour de Qiyaamah Allah Ta’ala pou pose question à chaque parents concernant so z’enfants: Ki l’éducation et formation ou fine donne ou z’enfants? Ki manière et ki comportement ou fine enseigne li? (Radiyallahou anhoum‎)

L’abortement?=Vrai terrorisme!!!

L'avortement, c'est ene crime, ene tyrannie, ene cruauté et ene barbarie envers l'humanité. Si suicide li ene offense, alors l'avortement li plis ki ene suicide. Parceki si ene dimoune pas gagne droit prend so propre la vie, alors coumanière li pou gagne droit prend la vie ene l'autre ? Prend la vie ene étranger li grave même ça. Astere, sans pitié prend la vie ou propre zenfant ki pas capave defanne li, ki quantité grave li pou été ? C'est ene façon pou terrorise banne innocents ! Nou tous bizin conné ki nou pas fine donne la vie.

Premier lot / deuxième lot

Couma tout kitchose, donne z'enfant ou pas donne z'enfant aussi Allah Ta'ala même ki décidé. Garçon ou ti fille, sa aussi li dans la main Allah Ta'ala. "... Li cré ceki li oulé. Ceki li oulé li donne ti fille et ceki li oulé li donne garçon. Ou bien pou banne ki li oulé li donne zotte garçon ti fille tous les deux..." (S 42 : V 49-50)

Échographie?

Question:‑

Eski ene madame enceinte gagne droit faire écho pou conne sexe de so bébé ?

Réponse:‑

Syndicate content