Pas touye moi mama !

Mama ! O mama ! Pas touye moi mama ! Mo innocent. Mo pas fine faire toi narien. Mo incapable, mo faible ki mo pas capave defanne mo même. Seul secours mo ena c’est to tendresse, to l’amour et to l’affection. Mais zordi c’est to même to fine décide pou prend mo la vie. Acoze to propre plaisir, to pas lé mo vive. Ki conné mama ki ene jour, capave mo même mo pou secours toi dans to banne moments difficile.

Pas faire moi vine ça malheureux ki pou être assassiné par la main so propre mama. Et pas faire toi vine ça bourreau ki pou prend ziska la vie so propre piti.

Dans ene l’époque cote pé touye dimoune y compris banne zenfants innocents dans ene façon orchestré, planifié et organisé avec complicité banne ki prend zotte pou impé pli sociable, eski ena kikene ki pou tendé ceki mo pé dire ? Mo conné personne pas pou oulé tendé parceki couma dire mo fine vine ene obstacle pou zotte tous. Mo pou dérange mama dans so bien-être ! Mo pou empêche li vive so la vie avec liberté ! Et ena banne ki pou signe mo sentence zisse pou capave régné. Mais ça crime-là li pou reste gravé ki personne pas pou capave effacé. Ça la main ki pou touye moi et ça lieu cotte pou touye moi, tout ça-là pu diboute témoin. Ena ene créateur ki pou faire jugement et ki pou demandé :

«باى ذنب قتلت »

« Pou ki tort ki li fine être assassiné »

Et zotte pas pou ena aukene réponse. Donc pense bien ceki pou arrivé après.

[Extrait de Al Jamiat Vol.5 No.12]