A banne jeunes

Pas capave exige ene jeune vine sage et ena la sagesse dans so jeune âge de 18 ans parceki ça li vine avec le temps. Mais li pas bizin aussi faire ceki vine dans so la tète. Ene jeune bizin bénéficié avec ene ki ena ça sagesse-là. Dans ça façon-là li pou capave servi so courage et so l’énergie dans la bonne direction et li capave arrive vite et sain et sauf lors so destination. Sinon li pou couma ene machine bien rapide et puissant avec ene volant decontrôlé. Pas bizin dire ki dégât ça pou faire lors la route. Ene jeune li ena tendance écoute ene jeune pareil couma li. Ça même ki pli grand malheur-là. Bizin toujours prend conseil avec ene ki ena connaissance de Deen et l’expérience et l’honnêteté. Pas bizin alle lors ceki ene jeune fine dire. Bizin toujours vérifié li avec dimoune dans Deen ki ena l’expérience. Et ça li ene zaffaire tout à fait normal ki dans tout domaine, ene junior li bénéficié avec ene senior. Donc ça principe-là li pli important dans domaine de Deen.

[Extrait de Al Jamiat Vol.6 No.11]