Donne trois talaaq ene seul coup

Quand kikene donne trois talaaq ene seul coup, li compte trois talaaq même. Sa même kitchose ki tous banne Sahaaba ‎(Radiyallahou anhou‎)‎ fine comprend. Sa même kitchose ki Hazrat 'Oumar ‎(Radiyallahou anhou‎)‎ fine comprend. Sa même verdict et fatwa Hazrat 'Abdoullah Bin 'Abbaas ‎(Radiyallahou anhoum‎)‎ fine donné. Sa même kitchose tous les 4 Imaams fine comprend. Si nou dire 3 talaaq compte ene seule talaaq, sa veut dire ki Hazrat 'Oumar ‎(Radiyallahou anhou‎)‎ pas fine comprend Qour'aan et Hadice. Sa veut dire ki Hazrat 'Abdoullah Bin 'Abbaas ‎(Radiyallahou anhoum‎)‎ pas fine comprend Qour'aan et Hadice. Sa veut dire ki tous les 4 Imaams pas fine comprend Qour' aan et Hadice.

Ena impé là! Sa banne-là pas fine comprend Qour'aan et Hadice mais ene zenfant hier ki peut-être pas conne coumanière respect so Oustaad déclare comprend sa pli bien. Après vine dire ki na perna 'Alim à Maurice.

Tout sala c'est banne prétexte pour dévié banne dimoune du droit chemin. Sa parole ki pas suive aukene mazhab c'est ene mazhab en li même. Li pas ene l'ordre Allah Ta'ala. Li pas ene l'ordre Rasouloullah ‎(Sallallaahou A'laihi Wasallam)‎. Rasouloullah ‎(Sallallaahou A'laihi Wasallam)‎ fine dire: "attrape, fermement le principe de banne Khoulafa-E-Rashideen." Hazrat 'Oumar ti ti parmi banne Khoulafa-E-Rashideen. Li même fine comprend ki trois talaaqs à la fois compte 3 talaaqs même. Rasouloullah ‎(Sallallaahou A'laihi Wasallam)‎ ti faire ene doah spécial en faveur Hazrat 'Abdoullah Bin 'Abbaas ‎(Radiyallahou anhoum‎)‎ "O Allah, Accorde li la connaissance de Kitaab (Qour'aan) et la sagesse."

Sa même Hazrat 'Abdoullah Bin 'Abbaas ‎(Radiyallahou anhou‎)‎ ti fine comprend ki 3 talaaqs compte trois même.

Hazrat 'Oumar ‎(Radiyallahou anhou‎)‎ ti ene `alim ou soit pas ti ene `alim? Hazrat 'Abdoullah Bin `Abbaas ‎(Radiyallahou anhoum‎)‎ ti ene `alim ou soit pas ti ene `alim? Sa banne question-là banne ki ena respect pour 'ilm (connaissance) et 'Oulama même pour capave repone bien. Quant à banne ki na perna adab et respect, li ene gaspillage pour pose zotte banne questions pareilles. Parole de Ishq c'est banne aashiq ki comprend!

[Extrait de Al Jamiat Vol.1 No.2]