Divorce

Donne 3 talaaq ene sel cou

Pas gagne droit donne tout les trois talaaq ene sel coup. Mais si fine donne tout les trois ene sel coup, alors tous les trois talaaq pou compté. Pas capave faire prétexte ki li pas compté acoze ki pas gagne droit donne li dans ça façon-là. Tous les trois compté et ça même ceki tous banne Sahaba-e-Kiraam dire. Et ça même ceki tous les 4 Imam dire.

Coumsa même pas gagne droit donne talaaq quand ene madame li dans so haiz. Mais si fine donné, li prend l’effet et li compté.

Nikah/Talaaq/Iddat

En principe talaaq li détestable. C’est parceki li ene façon pou casse ene nikah ki li ene faveur de coté Allah Ta’ala. Li bien vilain pou tourne le dos avec ene faveur. Alors talaaq li couma dire tourne le dos avec ça faveur ki appelle Nikah. Donc li ene kitchose détestable. En plis de ça, ça rupture-là li crée la haine entre deux personnes et par extension entre deux familles. Ceki banne zenfants zotte subir, li apart. Acoze ça bizin pas donne talaaq.

Talaaq

عن ابن عمر عن النبى صلى الله عليه وسلم قال ابغض الحلال الى الله الطلاق (ابو داؤد/ المستدرك للحاكم)

Traduction:

Hazrat (Abdullah) Bin 'Oumar ‎(Radiyallahou anhou‎)‎ rapporté ki Nabi ‎(Sallallaahou A'laihi Wasallam)‎‎‎‎ fine dire: Le halaal ki pli détestable au près d'Allah, c'est talaaq." (Abou Dawoud/ Al Moustadrak de Al-Haakim)

Position hadice:

Ene seul talaaq

Nou pas marié pou ene jour deux jours. Quand marié, nou marié pou la vie la mort. Acoze ça, en principe li ene erreur pou pense pou donne talaaq. Mais parfois bizin faire ça ‘erreur’ là pou corrige ene l’autre erreur ki pli grave. Et ça nou faire li par donne talaaq. Acoze ki en principe c’est ene kitchose inappréciable, bizin servi li le minimum ki capave. Le minimum c’est ene seul talaaq. Ça ene seul talaaq-là li sufi pou sépare ene couple quand même les deux parti pena aukene l’intention pou retourné plitard.

Irréparable !‎

Ena banne kitchose ki bien grave mais ki nou pas prend compte. Par exemple ene zanne embrasse so belle-mère. Li pas permette ki ene zanne embrasse so belle-mère. Ou capave dire li couma mo garçon ça. Mais c'est ki vrai ki li pas ou garçon. Si zamais kikene fine senti ene sensation dans pé embrassé, alors ene kitchose grave pou arrivé ki pou irréparable. Belle-mère so tifille so nikah pou cassé et li pou vine haraam pou tout le temps pou so missié. C'est ene kitchose ki pas pou capave réparé à jamais.

Khula

Khula c’est ene demande de talaaq ki vine de la part ene madame. Dans ça demande-là madame-là li propose ene somme à so missié pou ki so missié donne li so talaaq en retour.

Dimane talaaq sans ene raison valable

D’après hadice ene madame ki dimane so missié talaaq sans ene raison valable, alors parfum de jannat pou vine haraam lors li. C'est-à-dire li pas pou capave approché même avec jannat. Et pourtant parfum de jannat li tellement fort ki capave senti depi ene distance ki capave couvert dans 500 bananés. Ça montré ki quantité loin ene personne semblable pou été depi jannat. Et ça li sufi pou montré gravité de ça requête-là.

[Extrait de Al Jamiat Vol.6 No.7]

Syndicate content