Roza de Ramadwan

Gravité marque éne roza de Ramadwan sans raison valable

Si ene personne ena sa trois critères suivants là dans li, roza pou obligatoire lors li:

1. Islam. 2. Puberté et 3. L'esprit sain.

Donc roza pou obligatoire lors ene musulman ki sain d'esprit et li fine gagne l'age de puberté. Sans ene raison valable li pas pou en droit manque ene roza aussi. Sinon li pou ene kabirah gounaah (grand peché).

Rasouloullaah ‎(Sallallaahou A'laihi Wasallam)‎ fine dire: "Celui ki manque ene roza de Ramadwan sans ene autorisation (valable de la part de shari'ah) et sans ene maladie (grave), toute la vie so roza pas pou suffi pou remplace sa roza là." (Boukhari, Tirmizi, Abou Dawoud, Nassaï et Ibn Majah)

Note: Dans sa hadice là Rasouloullaah ‎(Sallallaahou A'laihi Wasallam)‎ fine montré nou la gravité de manque ene roza ki meme si ene personne garde roza toute longue so la vie, li pas pou capave gagne sa meme quantité sawaab ki li ti pou gagné quand li ti pou garde sa roza là dans le mois de Ramadwan. Par contre si li remplace sa roza là, so devoir et responsabilité de faraz pou dechargé mais le sawaab li pas pou atteinde.

Quant à ene madame ki dans so haiz (periode) ou bien nifaas (saignement du sang après l'accouchement), li pas gagne droit garde roza tant ki li pas vine propre et li pou bizin remplace sa banne roza là plus tard quand li vine propre.

Gravité de casse ene roza de Ramadwan sans raison valable

Li encore boucoup pli grave pou casse ene roza de Ramadwan sans raison valable. Laisse gounaah et punition apart - so lamane meme bien severe et bien dure. So l'amane c'est: Garde 60 roza consecutive (ene derriere lot) et plis remplace sa ene roza ki fine casser là!

[Extrait de Al Jamiat Vol.1 No.3]