Ramadaan

COMMUNIQUE JUM CONCERNANT RAMADHAN 2020

Assalaamu alaikum warahmatullahi wabarakaatuh
Vu ki commencement Ramadhan nou pou encore dans confinement, alors nou faire ene rappel à nou banne frère musulmans ki zotte continué respecté banne consignes ki fine donné concernant faire namaz dans la caze. Nou conné ki li bien douloureux pou banne ki ti pé habitué faire tous zotte namaz dans masjid. Néanmoins, faire ene faux-pas zordi, capave ranne situation de banne musulmans difficile dans le future.

Khatmul-Quraan dans le mois de Ramadhan

Al Hakim Abou Abdullah rapporté ki Imam Boukhari R dans namaz ki li ti pé faire à soir avec so banne compagnons dans le mois de Ramadhan li ti pé récite 20 versets dans chaque rakaat. Et coumsa même li ti pé faire ziska ki li ti pé termine Quraan. En sus de ça li ti pé récite ene tiers à la moitié Quraan dans l’heure de sehri. Ceki li ti pé récité dans ça l’heure-là ti pé permette li faire ene khatmul Quraan dans chaque trois jours à l’heure de sehri.

Quraan-e-Kareem

Quraan-e-Kareem c’est Allah Ta’ala so kitaab. Ene kitaab sacré et authentique ki fine reste intact pendant plis ki 1400 bananés. Ene kitaab ki garanti hidaayat et prospérité en général pou tout banne ki accepté li et implémente li dans zotte la vie.

Rendez-vous !

Quand to l’heure pou arrivé, to pou bizin allé. Pas pou gagne ene tigite le temps en plis pou complète ceki to ti pé faire. Et ça l’heure-là li vine sans prend rendez-vous. To pas capave refuse pou joine. Pena prétexte occupation, malade etc. Couma to été, cote to été, to pas pou capave ratte ça rendez-vous-là. Et finalement mission accomplie, to famille pas pou laisse toi reste dans to la caze ki to ti construire avec boucou gout et grand l’étalage. Mais aster ça la caze-là li nepli pou toi. Li fine vine pou banne ki to fine quitté.

La déroute

Pendant le mois de ramadhan, par l'ordre Allah Ta'ala nou fine réussi quand même combatte nou nafs. Travail ki nou ti pé faire auparavant, nou fine capave arrête li ou bien au moins diminué li. Et nou fine remarqué ki sans ça aussi nou la vie fine roule dans bien. De coté dépense aussi peut-être nou fine dépense moins. Bref nou fine oulé faire nou maximum pou faire ceki permette. C'est acoze ça même ki nou pas fine même faire aukene mariage dans ça mois-là parceki ena ene quantité kitchose immoral, indécent et contre shariat ki déroulé dans mariage.

Gravité manque ene roza sans raison valable

Ena beaucoup parents empêche et décourage zotte z’enfants pou garde roza dans période l’examen ki bien grave.Parceki dans Shari’ah, ene musulman ki sain d’esprit et ki majeur, BIZIN garde roza. Sans ene raison valable  pas gagne droit manque ene roza aussi. Manque ene roza sans aukene raison valable li kabirah gounaah (grand péché).

En bas la terre

Combien dimoune ki nou conné ki ti lors la terre hier mais ki zotte enbas la terre zordi. Là-haut la terre ou en bas la terre, c'est ene système ki pou continué resté tanque ça le monde-là li existé. Li pas ene kitchose zordi. C'est ene kitchose ki fine existé de tout le temps. Si banne prophètes et surtout le pli grand prophète et le pli grand Insaan, nou Habeeb et bien-aimé Nabi Hazrat Mouhammad Mustapha ‎(Sallallaahou A'laihi Wasallam)‎ pas fine exempté de ça système-là, alors ki sanla capave pretanne ki li pou reste éternellement lors ça la terre-là.

Syndicate content