La déroute

Pendant le mois de ramadhan, par l'ordre Allah Ta'ala nou fine réussi quand même combatte nou nafs. Travail ki nou ti pé faire auparavant, nou fine capave arrête li ou bien au moins diminué li. Et nou fine remarqué ki sans ça aussi nou la vie fine roule dans bien. De coté dépense aussi peut-être nou fine dépense moins. Bref nou fine oulé faire nou maximum pou faire ceki permette. C'est acoze ça même ki nou pas fine même faire aukene mariage dans ça mois-là parceki ena ene quantité kitchose immoral, indécent et contre shariat ki déroulé dans mariage. Ça montré ki nou conne très bien ki apart ene bien tigite, tout ceki passé dans mariage, li conte la loi Allah Ta'ala et le principe de nou Nabi ‎(Sallallaahou A'laihi Wasallam)‎.

Alhamdoulillah nou fine ena ene ti pé considération pou Deen ki fine empêche nou désobéir Allah et so Rasoul au moins dans le mois de ramadhan. Couma li pou bon si nou continué li. Pas seulement dans aakhirat, la vie ici aussi pou vine en rose.

Allah Ta'ala fine place nou succès dans suive Deen. Couma li possible ki nou capave gagne li dans casse la loi Allah Ta'ala? Li couma dire nou pé oulé alle Souillac mais nou fine prend direction Grand Baie. Hazrat 'Oumar ‎(Radiyallahou anhou‎)‎ fine dire:

"Nou ti ene lepep ki pas ti ena aukene dignité. Allah Ta'ala fine donne nou dignité par l'Islam. Astere n'importe quand nou pou oulé gagne li par ene l'autre moyen ki ça, Allah Ta'ala pou déshonore nou."

Donc cherche le succès par ene l'autre moyen apart l'Islam, c'est la déroute.

[Extrait de Al Jamiat Vol.3 No.9]