Rendez-vous !

Quand to l’heure pou arrivé, to pou bizin allé. Pas pou gagne ene tigite le temps en plis pou complète ceki to ti pé faire. Et ça l’heure-là li vine sans prend rendez-vous. To pas capave refuse pou joine. Pena prétexte occupation, malade etc. Couma to été, cote to été, to pas pou capave ratte ça rendez-vous-là. Et finalement mission accomplie, to famille pas pou laisse toi reste dans to la caze ki to ti construire avec boucou gout et grand l’étalage. Mais aster ça la caze-là li nepli pou toi. Li fine vine pou banne ki to fine quitté. Pou tire depi lors toi to linge, to montre, to bijoux, to portable et to casse. Zotte pou tire tout ek toi ziska to fausse dent dans to la bouche aussi. Et pli malheur si to le dent li en or. Et zotte pou mette toi dans la terre avec quelques mètres la toile lors to le corps. Ça l’heure-là pena narien ki capave secours toi. Ene seul l’espoir to pou ena. C’est la grâce Allah Ta’ala. Et ça li trouve dans vive pou Allah Ta’ala d’après le principe de nou Nabi ‎(Sallallaahou A'laihi Wasallam)‎. Ala ramadhan divant toi. Ene l’occasion en or ki to fine re gagné. Essaye profite le maximum ki to capave. Pas laisse ça perdi.

[Extrait de Al Jamiat Vol.5 No.14]