Ramadaan

Kaffaarah pou roza

Ene dimoune ki fine casse so roza par alle dans ménage bizin donne kaffaarah et remplace ça ene roza ki li fine cassé-là. Kaffaarah veut dire ki li bizin libère ene esclave. Couma zordi jour pena systeme esclavage, alors li bizin garde deux mois roza consécutif. Si li pena capacité faire li, alors li bizin donne 60 pauvres chakene valeur ene fitra.

Roza en état de grossesse

Quand ene madame li enceinte et li peur si li garde roza, ça pou affec­te l'état so ti bébé alors dans ça cas-la li gagne droit pas garde roza. C'est-a-dire ça li ene raison valable d'après shariah ki permette li pas garde roza dans le mois de Ramadhan et li pena aukene péché à gagné.

Roza de ene personne ki fine levé après sehri

Normalement ene dimoune avant li alle dormi le soir, li ena l'intention pou garde roza le matin. Astere si li pas fine réussi levé avant l'heure sehri et so sommeil fine cassé après l'heure sehri, li bizin pas mangé boire parceki li déjà en état de roza. Faire sehri pou garde roza li sounnat. Pas obligé faire sehri pou garde roza mais pas bon garde roza sans faire sehri. Donc si kikene fine reste dormi et pas fine gagne le temps pou faire sehri, so roza compté. Faudré pas mangé boire par l'impression ki li pas dans roza.

Gravite manque ene roza de Ramadwan sans raison valable

Roza li faraz (obligatoire) lors ene musulman ki majeur et ki sain d'esprit. Faudré pas ene dimoune li ratte so roza pou ene oui pou ene non parceki li ene péché grave si manque ene roza sans ene raison valable.

D'après hadice, ene roza de Ramadwan ki fine man­qué sans ene raison valable, pas pou capave être remplacé même si la personne garde roza pendant toute longue so la vie. Acoze ça tanque capave, bizin pas manque roza dans Ramadwan. Si jamais fine arrivé manqué, alors de toute façon bizin remplace li.

Ceki nou bizin conné concernant sehri

Sehri c’est le repas ki banne musulmans prend avant l’aube paraite grand matin pou garde roza.

Ena beaucoup vertus et profits dans sehri:

Rassouloullah ‎(Sallallaahou A'laihi Wasallam)‎ fine dire: “Faire sehri parce ki ena barakat (benediction) dans sehri.” (Boukhari/Mouslim)

Niyyat – l’intention

Question : Juska quand capave faire Niyyat (l’intention) dans roza de Ramadwan.

Pas faire paresse

 Ala encore ene fois Allah Ta’ala pé accorde nou la chance pou bénéficié et profité avec banne bienfaits dans le mois de Ramadwan. C’est ene grand cadeau et ene faveur inestimable de coté Allah Ta’ala ki nou pé regagné. Nou banne frères ki fine fini quitté, fine allé, si zotte ti capave dire nou ene coup zotte ti pou dire nou ki quantité valeureux le mois de Ramadwaan été. Malheureusement banne ki fine allé, zotte pé regretté et banne ki encore ena la chance, zotte pas pé oulé profité. Faudré pas faire paresse.

Syndicate content