Roza en état de grossesse

Quand ene madame li enceinte et li peur si li garde roza, ça pou affec­te l'état so ti bébé alors dans ça cas-la li gagne droit pas garde roza. C'est-a-dire ça li ene raison valable d'après shariah ki permette li pas garde roza dans le mois de Ramadhan et li pena aukene péché à gagné.

Mais eski li bizin remplace ça roza-là après ou bien non ? Apart ene l'opinion isolée d'apres tous banne aimmah couma Imam Abou Hanifah (R), Imam Malik (R), Imam Shafi' (R) et Imam Ahmad Bin Hambal (R) ça madame-là bizin remplace so roza ki li fine manque pendant so grossesse. Allaamah Taimiyah (R) aussi li dire dans so Majmou'a-t-oul Fataawa ki bizin remplace roza. Faudré pas suive ça l'opinion isolée selon laquelle ene madame pas bizin remplace so roza parceki ene l'opinion isolée pas capave ena priorité lors ene l'opinion ki fine accepté et adopté par la majorité. Selon la grande majorité de banne savants et l'Oummah en general ene madame enceinte bizin remplace so banne roza ki li fine manqué pendant grossesse. Coumsa mème si ene madame ki pe allaite so ti bébé gagne problème et diffi­culté dans garde roza, alors ça madame-là aussi gagne droit pas garde roza. Mais li bizin remplace banne roza ki li fine manqué après! Li bon conné ki li ene erreur capital donne banne l'opin­ion isolée ene l'ampleur général.

Rassouloullah ‎(Sallallaahou A'laihi Wasallam)‎ fine averti séverement banne ki faire ca. Dans ene hadice Rassouloullah ‎(Sallallaahou A'laihi Wasallam)‎ dire:

"Celui ki isole li de As-Sawad Al A’zam, (la grande majorité), li pou etre jeté dans l'enfer."

[Extrait de Al Jamiat Vol.2 No.12]