En bas la terre

Combien dimoune ki nou conné ki ti lors la terre hier mais ki zotte enbas la terre zordi. Là-haut la terre ou en bas la terre, c'est ene système ki pou continué resté tanque ça le monde-là li existé. Li pas ene kitchose zordi. C'est ene kitchose ki fine existé de tout le temps. Si banne prophètes et surtout le pli grand prophète et le pli grand Insaan, nou Habeeb et bien-aimé Nabi Hazrat Mouhammad Mustapha ‎(Sallallaahou A'laihi Wasallam)‎ pas fine exempté de ça système-là, alors ki sanla capave pretanne ki li pou reste éternellement lors ça la terre-là. Donc li pas ene kitchose ki nou bizin fatigue nou la tête avec ça. L'essentiel c'est relation ki nou ena avec nou Rabb. Si ça relation-là li correcte, veut dire enbas la terre aussi nou pou dans bien et au contraire pli bien ki nou été lors la terre.

Nou fine gagne encore ene l'occasion en or pou nou capave dresse nou relation et renforci nou contacte avec nou Rabb. Faudré pas nou laisse ça l'occasion-là sappé. A nou profite le maximum possible avec ça mois béni-là par engage nou le maximum dans Tilaawat-ul-Qour'aan, Zikrullah, Istighfaar et doah.

Ki Allah Ta'ala accepté nou tous!

[Extrait de Al Jamiat Vol.3 No.8]