Le mot "Radan" dans dua sehri ki signifié "demain"

Question: Ena dimoune dire ki sa dou'aa là pas correcte parceki ena ene mot "Radan" la dans ki signifié "demain". Ki maniere capave dire "Radan" (demain) quand tandis ki pé garde roza le même jour?

Réponse : "Allahoumma Aswoumou Radan Laka ..." (Oh Allah, mo pé garde roza demain pou Toi...). C'est ene dou'aa ki normalement banne dimounes ena l'habitude lire au moment de sehri. Ou ena raison ki ena ene mot "Radan" ki signifié demain. Li paraite pas correcte parceki demain veut dire sa jour ki pé vini après sa jour ki ou été. Mais c'est ene l'expression tout à fait normal d'après l'usage général. Dans ene hadice de Abou Dawood rapporté par Hazrat 'Abdullah Bin Abbaas Rassouloullah ti ordonne Hazrat Bilal ‎(Radiyallahou anhou‎)‎ pou alle annoncé ki garde roza 'demain'. Rassouloullah ‎(Sallallaahou A'laihi Wasallam)‎ ti donne sa l'ordre-là après Maghrib quand Islamiquement parlant nou jour changé. La dans nou trouvé ki fine servi le mot "Radan". Et pourtant quand arrive le matin, jour pas changé. Li encore le même jour. Ça montré ki le mot 'Radan' capave servi li le soir pou signifié le matin ou la journée ki commencé apartir Soubh Swadiq cote l'heure sehri terminé.

D'ailleurs quand faire annonce après Zohar ou après Assar dans Masjid pou ene causerie ki pou ena après Esha, souvent nou tanne dire "Pour ena ene causerie zordi après Esha dans Masjid". Pourtant Islamiquement parlant li pas jordi. Apres Maghrib c'est demain parceki nou jour changé apartir le coucher du soleil. Ça montré ki dans l'usage général ena souplesse, ki faire demain vine jordi couma li capave faire zordi vine demain aussi. Coumsa même ici fine dire "Radan" pou signifié l'heure ki sehri terminé quand la journée commencé. Li tout à fait normal.

[Extrait de Al Jamiat Vol.1 No.4]

N.B :Ça l'article-là ti écrire pou reponne ça objection ki fine faire dans ça question-là. Le but li pas pou approuve so l'existence.