Anou faire ene ti Mouraaqabah [méditation]

Ceki ena zordi, pas ti ena li hier et ceki pou ena demain, pencore ena li zordi. Tout kikchose changé. Narien pas reste pareil. Ceki stable c'est instabilité. Nou aussi, nou pas pou reste pareil tout le temps. Disons nou fixé ene target de 100 ans après. C'est à dire en l'an 2101, nou pli sure ki tout ceki ena lors la terre comme être vivants pou enbas la terre. Ene deux rescapés ki peut être pou encore existé lors la terre juste pou faire nou rappel - "Il était une fois".

Cote nou la caze été zordi, ti kikene so la caze hier. Et pas conné ki nouveau locataire pou ena demain.

Personne pas propriétaire. Nou tout locataire ici. Le sel et vrai propriétaire c’est Allah Ta’ala. Mais nou capave vine propriétaire dans jannat. Propriétaire dans jannat li pou tous le temps.

Astere couma pou gagne jannat?

Ena ene sel moyen. C'est la grâce Allah Ta'ala. Et normalement la grâce Allah Ta'ala li descende lors celui ki ena Imaan. Donc sans imaan na perna jannat.

Acoze sa n'importe ki arrive nou faudré pas nou Imaan arrive li kikchose parceki sa même nou plus grand fortune. Quand nou pé quitte dounya avec Imaan, sa veut dire tout correcte. O Allah! Faire nou tout quitte Dounya avec Imaan! Ameen.

[Extrait de Al Jamiat Vol.1 No.4]