Bon zaffaire pou banne investisseurs

Ene bon commerçant li intéressé avec ene marchandise ki dimane ene ti investissement avec ene grand marge de profit dans ene tipé le temps sans faire boucou z`effort. Banne marchandise pareil zotte bien rare lor marché local. Nou ena par la grâce d'Allah Ta'ala ene quantité marchandises importées de l'extérieur ki nou ena le plaisir propose ou!

Nou commerce so moto c'est:

Gagne boucou, sans ene sou.

Avec ene capital narien du tou

 Par reste dans l'obéissance Allah partout

En préservant la bouche z'oreille lizié surtout.

1. Investi Dounya pou gagne Aakhirat. Selon les dires de Rasouloullah ‎(Sallallaahou A'laihi Wasallam)‎ ça le monde-là avec tous ceki ena la dans pas vaut juska même ene le z'aile moustique aussi dans lizié Allah Ta'ala.

2. Investi ene ti roupie pou gagne Rs700/- ou plus. Allah Ta'ala dire: "L'exemple banne ki dépense zotte richesse dans chemin Allah, li couma ene la grain ki fine faire sept z'épi poussé. Dans chaque z'épi ena cent la grain. Et Allah li augmente (récompense) pou celui ki li oulé (plis ki ça)..." (S2/V261)

3. Lire ene lettre depi dans Qur'aan-e-Kareem pou gagne so récompense à dix fois plis. Rasouloullah ‎(Sallallaahou A'laihi Wasallam)‎ fine dire:  "Celui ki lire ene lettre depuis dans livre Allah li gagne ene Hassanah. Ene Hassanah (récompense) vaut dix." (Tirmizi)

C'est à dire li gagne dix sawaab (récompense) pou chaque lettre ki li lire depi dans Qur'aan-e-Kareem.

4. Lire Soubhaanallah, Alhamdoulillah pou ene quantité récompense ki capave rempli l'espace ki trouve entre le ciel et la terre. (Mouslim)

Voila banne bon z'affaire cote nou bizin investi nou le temps précieux ki dans ene ti peu le temps capave rapporte nou boucou ki difficile à estimer. So vrai valeur nou pou conne li dans aakhirat même.

[Extrait de Al Jamiat Vol.1 No.7]