Ene bon z'homme ...

Li pas joli pou guette ene z'homme ena manière madame. Coumsa même li pas faire l'honneur à ene madame quand li agir couma ene z'homme.

Tout dimoune content kitchose ki pure et original. Personne pas content quand ena mélange dans ene kitchose. Ene bon z'homme pou toujours content ene madame ki reste couma madame. Coumsa même ene bon madame pou content ene z'homme ki agir et comporte li couma ene z'homme. Mette z'anau dans z'oreille. Mette la chaîne dans li cou. Porte câble, la chaîne ou bien mette mehendi dans la main. Garde longue la queue cheveux. Tresse cheveux; tout sala c'est comportement ene madame. Li pas joli guette ene z'homme dans ene tenue pareil.

Coumsa même li bien pas bon trouve ene madame en chemise pantalon avec cheveux coiffé à la garçonne. Parceki c'est ene tenue masculine.

Chakene bizin agir et comporte li selon le sexe ki Allah Ta'ala fine accorde li. Ça li faire Allah Ta'ala plaisir. Et c'est ene de banne moyens pou reste dans bien tout le temps.

Agir différemment et autrement li invoque la colère et la malédiction Allah Ta'ala. Couma ene dimoune capave reste dans so bien être quand li pé vive dans malédiction Allah Ta'ala? C'est ene inspiration satanique ki faire ene z'homme imite ene madame et vice versa.

Selon ene hadice, Rasouloullah ‎(Sallallaahou A'laihi Wasallam)‎ fine maudit banne z'hommes ki imite banne madames et banne madames ki déclare couma banne z'hommes. (Boukhari)

[Extrait de Al Jamiat Vol.1 No.7]