Habillement-Apparence

Guette chemin kan ou conduire. Pas crase la ligne blanc. Sinon ou pou tappe ek machine ki pé vine dans ou direction. Respecté banne principes et banne règlements. Sinon ou pou endange ou la vie et ou pou vine ene danger pou le zot. La vie lors ça le monde-là aussi li exactement coumsa même. Si chakene conne so limite et li reste dans so limite, alors pas pou ena aukene problème. Alle en dehors limite-là même ki appelle transgression ou bien ﻋـﺪوان. Et c'est ça même ki crée désordre et problème partout.

Question :

Mo la famille empêche moi observe pardah avec mo poupa et mo kalou. Eski li de trop si mo faire pardah avec zotte ?

Concernant dounia nou pas contente nou avec l’essentiel. Nou cherche toujours l’idéal. Ene simple mangé li sufi pou rempli nou l’estomac mais nou pas satisfait tanque pena so salade, piment ketchup etc. Coumsa même ene simple tissu li sufi pou couvert nou le corps mais nou rode banne tissu de classe et de marque. Dans tout domaine de la vie nou cherche toujours en plis et nou faire l’étalage. Ena des fois l’étalage et banne kitchose supplémentaires li coute nou plis ki l’essentiel mais nous faire li acoze nous content li.

Ene parent ki tolère so tifille ena contact illicite et immorale li qualifié de « dayyous » par Rassouloullah ‎(Sallallaahou A'laihi Wasallam)‎. D’après hadice ene dayyous pas pou gagne parfum de jannat aussi. Et ene parent ki encourage ene relation immorale, li encore pli grave. Parfois ene tifille li envie pratique so Deen et li envi mette ene tenue vestimentaire respectable mais li découragé par so parent ki apprécié plito ene l’habillement indécent et attirant. Li bien pas bon ça. Ça aussi li compte couma dayyous ou bien pli grave ki dayyous.