Pardah avec poupa et kalou

Question :

Mo la famille empêche moi observe pardah avec mo poupa et mo kalou. Eski li de trop si mo faire pardah avec zotte ?

Réponse :

Ene madame ou ene jeune fille bizin faire pardah avec banne non-mahram. Non-mahram veut dire tout missié ki ene madame gagne droit marié. Poupa et kalou tombe dans catégorie non-mahram parceki si zotte séparé avec poupou ou bien avec kala, zotte pou gagne droit marié avec madame-là so nièce. La famille-là pé amène ene mauvais rôle. Zotte pé empêche applique la loi shariat. Li bien chagrinant ki ene tifille musulmane li gagne difficulté de la part so famille même pou pratique so Deen. Poupa et kalou aussi zotte bizin comprend. Zotte bizin pas vexé. Zotte bizin pas empêche applique la loi shariat. Ça li attire la colère Allah Ta’ala. Bizin prend compte si nou oulé nou bien être dans dounia et dans aakhirat. Nou capave dire ceki nou envi mais ça pas pou remédié le cancer ki nou fine développé par oppose shariat et par empêche shariat appliqué lors banne prétexte banale et futile.

[Extrait de Al Jamiat Vol.7 No.2]