Transgression

Guette chemin kan ou conduire. Pas crase la ligne blanc. Sinon ou pou tappe ek machine ki pé vine dans ou direction. Respecté banne principes et banne règlements. Sinon ou pou endange ou la vie et ou pou vine ene danger pou le zot. La vie lors ça le monde-là aussi li exactement coumsa même. Si chakene conne so limite et li reste dans so limite, alors pas pou ena aukene problème. Alle en dehors limite-là même ki appelle transgression ou bien ﻋـﺪوان. Et c'est ça même ki crée désordre et problème partout. Banne limites ki Allah Ta'ala fine tracé pou insaan, bizin non seulement pas transgressé mais bizin pas approché même. Allah Ta'ala dire dans Qour'aan-e-Kareem :

"… c'est banne limites d'Allah. Donc pas vine prés avec ça …" (S2 V187)

La paix, l'harmonie et sécurité dans la société à tout niveau li trouve dans le respect de ça banne limites ki Allah Ta'ala fine tracé.

Quand Allah Ta'ala fine faire ou vine ene garçon alors ou bizin reste couma ene garçon. Coumsa même ou bizin agir couma ene tifille si Allah Ta'ala fine crée ou ene tifille. Li compte dans dépasse limite quand ene garçon mette zanon ou bien ene tifille habille couma garçon. Nabi r fine avoye malédiction lors ene ki imite le sex ki li pas été. C'est-à-dire quand ene garçon imite ene tifille ou bien ene tifille imite ene garçon.

Donc bizin respecté limite ki Allah Ta'ala fine metté dans chaque domaine de la vie.

[Extrait de Al Jamiat – Vol. 6 No. 8]