"Cherche la connaissance même jusqu'à en chine"

Questions:- D'après ene certaine information, ça hadice suivant-là fine être considéré comme ene hadices fabriqué: Est-ce qui li vrai? "Cherche la connaissance même jusqu'à en chine".

Réponse :-"Cherche la connaissance même jusqu'à en chine parceki cherche la connaissance li obligatoire lors chaque musulman."

C'est ene hadice ki fine être rapporte par Hazrat Anas ‎(Radiyallahou anhou‎)‎ et fine être sélecté par Ibn Adi dans Al-Kamil, par Hafiz Ibn-ul-Barr dans so Jami-ul-Bayaan Fil-Ilm, par Al-Baihaqui dans so Al-Moudkhal et Shou'bul-Imaan. Imaam Al-Ghazaali (R) aussi fine faire mention de sa hadice-là dans so Ihyaa-ul-Uloom.

Al-Hafiz Zain-ud-Deen-Al-Iraqui, ene éminent savant de hadice du 8eme siècle Hijri, dans ene livre ki li fine écrire pour situé position de chaque hadice mentionné dans Ihyaa-ul-Uloom dire: "Al-Baihaqui dire ki so Matn (contenu) li Mashhour (reconnu) mais so banne sanad (chaîne de narration) zotte faible."

Donc selon Imaam Al-Baihaqui, ene savant de hadice de 5eme siècle Hijri, le hadice en question li rapporté par plusieurs sources et ki chaque source la-dans li faible. A la lumière de ceki Al-Baihaqui fine déclaré, nou comprend ki le hadice en question, li pas "Mawdou" (fabriqué) parcequi ene Sanad faible pas veut dire nécessairement fabriqué. Ena des fois, ene hadice semblable ena la chance et la possibilité vine dans rang ene hadice "Hassan" (bon/passable) quand li rapporté par plusieurs Sanad couma ça li ene principe établi chez banne "Mouhaddices" (Savants de hadice).

AI-Hafiz Al-Iraqui aussi ki ti fine engage li pour situé position de banne hadices mentionnés dans Ihyaa-ul-Uloom de Imaam Al-Ghazaali (R), pas fine trouve narien pour qualifié li comme "Mawdou" (fabriqué) couma li ena l'habitude faire li à cote li nécessaire.

Donc le hadice en question li pas "Mawdou" (fabriqué). Li ene hadice faible avec ene possibilité d'être élevé au rang de "Hassan" (bon/ passable). Effectivement Allaamah Al-Mizzi dire ki le hadice ena plusieurs Sanad. Dans so l'ensemble li capave accède au rang ene hadice "Hassan". Quant à Allaamah Al-Azeezi de As-Sirajul-Munir, commentaire de Al-Jami-us-Sagheer, li considère le hadice comme ene hadice "Hassan li 'ghairihi": C'est à dire ene hadice ki fine être considéré comme Hassan (bon) pour des raisons extérieurs.

[Extrait de Al Jamiat Vol.1 No.7]