Touche Qour'aan ou lire li sans wazou ou ghoussal

Pas gagne droit touche Qour'aan-e-Kareem sans wazou. Pas gagne droit ni touché ni lire Qour'aan-e-Kareem si pena ghoussal.

Ene madame li pas gagne droit ni touche ni lire Qour' aan-e-Kareem pendant ki li dans so période tanque ki li pas faire ghoussal après ki so période fini.

Ene personne ki ena ghoussal mais li pena wazou, gagne droit lire Qour'aan-e-Kareem sans touche li. Coumsa même, li gagne droit lire banne versets ki ena éloge pou Allah Ta'ala avec l'intention dou'aa ou bien avec l'intention pou faire Allah Ta'ala so éloge, quand même si li perna ghoussal oussi. Mais pouvu li pas touche li ni li lire avec l'intention pou faire tilaawat.

Quant à zikr, dou'aa et banne tasbeeh, capave faire sans ghoussal et sans wazou. Banne madames capave profité avec ça facilité ki shariat fine donné-là pendant ki zotte dans zotte période. Couma banne lezot aussi capave profité avec ça mais li bon conné ki ena pli boucou profit quand faire li avec tahaarat complète.

[Extrait de Al Jamiat Vol.1 No.9]