Quraan

Salaf-e-Saliheen et Khatmul Qur’aan

Selon Hakim Abou Abdullah, Imam Bukhari (R) ti p récite 20 versets dans chaque rakaat de taraweeh ki li ti pé faire avec jamaat.

Li ti ena l’habitude lire 1/3 à ½ Qur’aan-e-Kareem dans l’heure sehri. Dans ça façon-là li ti pé termine ene Qur’aan dans chaque 3 jours dans l’heure sehri. Apart ça li ti pé faire ene khatmul Qur’aan dans la journée ki li ti pé termine dans l’heure iftaar. (Muqaddamah Fathul-Baari)

Ene remède

Sheikh Imam Abul-Qaasim Al Qushairi (R) ti ene grand ‘alim et ene personnage pieux. So garçon ti gravement malade à tel point ki pas ti ena aukene l’espoir ki li pou bien. Alors Allah Qushairi (R) fine rêve Rassouloullah ‎(Sallallaahou A'laihi Wasallam)‎ ki fine attire so l’attention vers banne versets dans Quraan ki faire mention de shifa. Allah Qushairi (R) dire quand mo fine levé mo fine calcule lors-là et mo fine trouvé ki ena 6 versets coumsa dans Quraan :

...وَيَشْفِ صُدُورَ قَوْمٍ مُّؤْمِنِينَ (S9 V14)

As-Siraatul-Moustaqeem

Littéralement Siraatul-Moustaqeem signifié le chemin droit ki trouve dans le juste milieu. Mais ça Siraatul-Moustaqeem ki Allah Ta’ala fine ordonne nou pou dimane doah pou gagne ça, ki chemin ça et ki li signifié ? Banne ‘Oulama fine donne plusieurs explication pou ça. Li intéressant pou conné ki zotte explication de par zotte formules li différent. Mais donnée-là li ene seul. Ena fine dire c’est Deen ça. Ena fine dire Qour’aan ça et ena fine dire ki c’est le sounnah de Nabi ‎(Sallallaahou A'laihi Wasallam)‎ ça.

Vertue de Sourah Baqarah

"Pas faire ou la caze vine couma cimetière. Parceki shaitaan li sauvé depi dans ene la caze cote li tanne pé lire sourah Baqarah là-bas." (Sahih Muslim Shareef et Mousnad Ahmad)

[Extrait de Al Jamiat Vol.5 No.5]

Qour’aan-e-Kareem

Qour’aan-e-Kareem c’est le livre d’Allah Ta’ala ki fine révélé graduellement selon le contexte et nécessité pendant ene période de 23 banané. C’est le livre le pli authentique ki na pena aukene doute la dans ki garanti le salut éternel pou tout ceki applique li dans so la vie. Selon ene hadice de  Nabi ‎(Sallallaahou A'laihi Wasallam)‎, c’est ça la base du progrès.

Khatmul Qour’aan et nou banne ancêtres

Quand Hazrat Abdullah Bin Idrees (R) so la mort fine approché, so tifille fine commence ploré. Lerla Hazrat Abdullah Bin Idrees (R) fine dire li : "Pas ploré. Mo fine faire 4000 khatmul Qour’aan dans ça la caze-là."

Ene fois Hazrat Abou Bakar Bin Ayyaash (R) fine dire avec so garçon :

"O mo garçon, to papa jamais fine commette kit bêtise. Et li fine faire ene Khatam Qour’aan tous les jours pendant 30 bananés."

L’information dans sure

Valeur ene kitchose li dépanne lors ça l’intérêt ki ene dimoune ena pou ça kitchose-là. Et ene dimoune pas capave intéressé avec ene kitchose sans ki li conne l’avantage et le bienfait ki li capave récolté apartir ça kitchose-là. Mais li vrai ki ceki ene dimoune conné concernant ene kitchose, li capave vrai couma li capave pas vrai aussi. Ça amène nou pou comprend ki ene dimoune li bizin conné depi ki source li pé gagne so l’information.

Syndicate content