As-Siraatul-Moustaqeem

Littéralement Siraatul-Moustaqeem signifié le chemin droit ki trouve dans le juste milieu. Mais ça Siraatul-Moustaqeem ki Allah Ta’ala fine ordonne nou pou dimane doah pou gagne ça, ki chemin ça et ki li signifié ? Banne ‘Oulama fine donne plusieurs explication pou ça. Li intéressant pou conné ki zotte explication de par zotte formules li différent. Mais donnée-là li ene seul. Ena fine dire c’est Deen ça. Ena fine dire Qour’aan ça et ena fine dire ki c’est le sounnah de Nabi ‎(Sallallaahou A'laihi Wasallam)‎ ça.

Mais en réalité na pena aukene contradiction dans ceki chakene fine dire parceki en réalité Siraatul-Moustaqeem c’est le Deen ki fine révélé en forme Qour’aan-e-Kareem ki fine pratiqué et expliqué par nou bien-aimé Rassouloullah ‎(Sallallaahou A'laihi Wasallam)‎ et fine transmis à l’oummah avec toute l’honnêteté et authenticité à travers banne illustres Sahaba-e-Kiraam ‎(Radiyallahou anhou‎)‎.

Chaque groupe et chaque individu li capave pretanne ki so chemin li Siraatul-Moustaqeem. Mais Allah Ta’ala fine facilite les choses pou définir li même ki ça chemin-là eté afin ki dimoune pa tombe dans confusion. D’après le verset dans sourah Al-Fatiha, Siraatul-Moustaqeem fine toujours été chemin de banne ki Allah Ta’ala fine verse so faveurs lors zotte. Aster bizin rodé ki banne ki Allah Ta’ala fine verse so faveurs lors zotte pou capave marche lors chemin ki banne-là fine marché. D’après le verset 69/S4, banne ki Allah Ta’ala fine verse so faveur, c’est banne prophètes, banne siddiqeen, banne shouhada et banne personnages pieux. Ça montré ki nou bizin suive chemin de ça banne personnages-là pou capave être lors le droit chemin. C'est-à-dire quand nou suive Qour’aan-e-Kareem, nou bizin guetté couma ça banne personnages-là fine applique Qour’aan. Dans tous ça banne personnages-là, banne prophètes zotte pli important. Et dans banne prophètes aussi c’est nou bien-aimé Nabi Hazrat Mouhammad ‎(Sallallaahou A'laihi Wasallam)‎ ki pli essentiel et pli important parceki li même le dernier prophète. Pena aukene prophète pou vini après li. Donc pou gagne Siraatul-Moustaqeem, nou bizin nécessairement vive d’après Nabi ‎(Sallallaahou A'laihi Wasallam)‎ so l’enseignement. So l’enseignement c’est so banne sounnat ki fine préservé et fine transmette à l’oummah en forme de hadice. Donc sans suive hadice et sounnat de Nabi ‎(Sallallaahou A'laihi Wasallam)‎, nou pas capave applique Qour’aan et conséquemment nou pas pou capave gagne le chemin droit aussi ki tous les jours nou pé dimandé.

[Extrait de Al Jamiat Vol.5 No.7]