Khatmul Qour’aan et nou banne ancêtres

Quand Hazrat Abdullah Bin Idrees (R) so la mort fine approché, so tifille fine commence ploré. Lerla Hazrat Abdullah Bin Idrees (R) fine dire li : "Pas ploré. Mo fine faire 4000 khatmul Qour’aan dans ça la caze-là."

Ene fois Hazrat Abou Bakar Bin Ayyaash (R) fine dire avec so garçon :

"O mo garçon, to papa jamais fine commette kit bêtise. Et li fine faire ene Khatam Qour’aan tous les jours pendant 30 bananés."

Avant so la mort, li fine dire so tifille quand li fine trouve li pé ploré : "O mo tifille, pas ploré. Eski to gagne peur ki Allah Ta’ala pou puni moi ? Et pourtant mo fine faire 24,000 Khatmul Qour’aan dans ça coin-là."

Selon ene version, li ti dire so garçon : 

"O mo garçon, jamais désobéir Allah Ta’ala dans ça la chambre-là parceki mo fine faire 12,000 Khatmul Qour’aan ici."

Ça tous les deux récits-là li paraite dans le Mouqaddamah ki Allaamah An-Nawawi (R) fine écrire pou Sahih Mouslim. Après avoir rapporte ça deux récits-là, Allaamah An-Nawawi (R) dire :

"Li pas bon ki dimoune ki lire ça li refuse accepté ça banne paroles-là concernant ça banne personnages ki faire bénédiction dessane quand cause zotte causé parceki ça l’attitude-là li ene signe de l’échec pou la personne."

[Extrait de Al Jamiat Vol.5 No.3]