Quraan

Ene dimoune ki pé noyé, li pou essaye attrape tout ti zaffaire avec l'espoir pou sauve so la vie. Ça même ki pé arrive ene groupe d'individu désorienté ki nepli conné couma pou lave zotte péché et couvert zotte défaut. Alors façon pli correct pou zotte, c'est déclenche ene bouleversement pou faire dimoune blié l'essentiel. Récemment ça banne individu-là fine mette ene "bouhtaan" (fausse accusation) lors Al Jamiat ki selon zotte Al Jamiat pé invente aayat Qour'aan.

Qour'aan-e-Kareem c'est la parole Allah Ta'ala ki li fine révèle ça lors nou bien-aimé Nabi Hazrat Mouhammad ‎(Sallallaahou A'laihi Wasallam)‎. Ça Qour'aan-là pas fine révélé dans ene seul coup. Li fine dessane tigite par tigite selon la nécessité pendant 23 bananés.

Pas gagne droit touche Qour'aan-e-Kareem sans wazou. Pas gagne droit ni touché ni lire Qour'aan-e-Kareem si pena ghoussal.

Ene madame li pas gagne droit ni touche ni lire Qour' aan-e-Kareem pendant ki li dans so période tanque ki li pas faire ghoussal après ki so période fini.

Rasouloullah ‎(Sallallaahou A'laihi Wasallam)‎ : "Pas faire zotte la cage vine qabrastaan. Certainement Shaitaan sauvé depi sa la cage cote pé recite Sourah Al Baqarah." (Mouslim)

[Extrait de Al Jamiat Vol.1 No.1]